Omega 嘅海馬系列一直都好受大眾歡迎，今日就同大家介紹下海馬系列入邊嘅Planet Ocean 同 Ploprof 。
 
Omega係1970率先研發出防水達600米嘅Ploprof系列，Rolex嘅Sea Dweller都遲佢一年先面世。一體成型嘅Monoblock Case，2時位置嘅獨特安全按鈕，4時位置嘅排氦氣閥門，睇到佢你可能會話佢係一隻怪獸錶、零美感，但係因為Omega要將所有深潛功能推到極致，有咁raw得咁raw，先令呢一隻Ploprof散發出一種另類嘅魅力，就好似我哋嘅海洋咁，越欣賞，越迷人。
 
講到海洋就梗係要講Planet Ocean 啦！Planet Ocean嘅藍色同紅色版本嘅錶圈結合了橡膠同陶瓷，首15分鐘嘅潛水刻度採用鮮明的色調。Omega選用呢兩種顏色嘅原因係人類起水底約5米時，紅色係第一隻睇唔到嘅顏色；而起275米時，藍色係最後一個能夠睇到嘅顏色，所以到300米之後就要靠佢嘅夜光啦。