講起勞力士最受歡迎嘅款式，除咗Daytona或者Submariner之外，GMT Master II都係勞力士嘅一個非常受歡迎嘅系列。GMT大家就聽得多啦，咁究竟GMT係咩意思呢？GMT其實即係格林威治時間，英文全名叫做Greenwich Mean Time，GMT將全球分做24個時區，格林威治係GMT＋0，其餘嘅時區就用GMT＋－12個小時做分區，用嚟俾來往唔同時區嘅人計算兩地嘅時差，香港就係位於GMT＋8嘅時區。所以我哋成日講嘅GMT手錶除咗時分秒三針之外仲有第四支GMT針，每24小時行一圈用嚟顯示第二地嘅時間。
 
勞力士喺1954年推出第一隻嘅GMT Master 6542，當時係為咗泛美航空嘅飛機師去計算時差而設計嘅，造型就係以紅藍色嘅百事圈登場，所以分別喺2014同2018年推出嘅白金同鋼版嘅陶瓷紅藍百事圈正正就係向第一代嘅GMT Master致敬。而之後雙色嘅錶圈就成為咗GMT Master嘅特色，用兩種顏色去代表日夜嘅時間，以紅藍色嘅百事圈為例，紅色代表日頭0600－1800，藍色代表夜晚1800－0600。去到八十年代就出咗好多人都好熟悉嘅紅黑色可樂圈16760。跟住去到2005年，116718LN成為第一款用上陶瓷圈嘅勞力士錶款。而最令到GMT Master系列發揚光大嘅就係2017年推出嘅116710LN，即係啱啱停產無耐嘅綠針，因為佢係鋼錶定價比較平，同樣有陶瓷錶圈再加上用咗新機芯3186，令到GMT Master成為勞力士最受歡迎嘅系列之一。
 
發展到今日GMT Master II已經成為勞力士嘅熱炒擔當之一，而配搭勞力士新機芯3285嘅沙士圈近呢半年亦乘住大勢炒風水漲船高，MWC呢隻全新未佩戴過嘅沙士圈已經上架寄賣，叫得做寄賣當然價錢一定低過市價啦，大家有興趣就上嚟玩下實物啦。