除咗玩錶之外我都好鍾意玩錶帶，睇一個人玩錶玩得有無品味除咗睇佢戴咩錶之外仲可以睇下識唔識襯錶帶。通常如果係高級錶就會襯鱷魚帶，日用或者復古錶會用牛皮帶。而錶帶當中最尊貴嘅種類應該係叫做Shell Cordovan嘅馬臀皮，因為每隻馬可以生產馬臀皮嘅部位相當稀少，只有馬屁股嘅1/8先可以叫Cordovan，而且生產工序都非常繁複，需要經過六個月嘅加工先可以成為Shell Cordovan，所以Shell Cordovan可以話係最高級嘅皮革，用Shell Cordovan造嘅錶帶最少都要過千蚊嘅。不過大家都用咁多錢買錶，通常都會配條最靚嘅帶俾自己隻靚錶嘅。啱啱我就配咗條日本新禧馬臀皮俾我隻Tiffany面Grand Seiko，隻色仲要係我最鐘意嘅Prussian Blue，大愛。